അതേസമയം സമാധാന ചര്‍ച്ചകള്‍ പുനരുജ്ജീവിപ്പിക്കാനുള്ള ശ്രമത്തില്‍ യുഎസ് ഉന്നത നയതന്ത്രജ്ഞന്‍ ആന്റണി ബ്ളിങ്കെന്‍ ഈജിപ്ഷ്യന്‍ പ്രസിഡന്റ് അബ്ദുല്‍ ഫത്താഹ് എല്‍~സിസിയുമായി കൂടിക്കാഴ്ച നടത്താനിരിയ്ക്കെയാണ് സ്ഫോടനങ്ങളുടെ പരമ്പര ഉണ്ടായത്. വെസ്ററ്ബാങ്കിലെ ഇസ്രായേല്‍ അധിനിവേശം അവസാനിപ്പിക്കണമെന്ന് ആവശ്യപ്പെടുന്ന പ്രമേയത്തില്‍ യുഎന്‍ വോട്ടെടുപ്പ് നടത്താന്‍ ഒരുങ്ങുകയാണ്.
സ്രോതസ്സുകള്‍ പറയുന്നതനുസരിച്ച്, ഉപകരണങ്ങള്‍ പേജറുകളല്ല, മറിച്ച് വാക്കി~ടോക്കികള്‍, കൈയില്‍ പിടിക്കുന്ന റേഡിയോകള്‍ ആയിരുന്നു.
ഒരു ദിവസം മുമ്പ് കൊല്ലപ്പെട്ടവര്‍ക്കായി ഹിസ്ബുള്ള സംഘടിപ്പിച്ച ശവസംസ്കാര ചടങ്ങിനിടെയാണ് സ്ഫോടനം നടന്നത്, ഗ്രൂപ്പ് ഉപയോഗിച്ച ആയിരക്കണക്കിന് പേജറുകള്‍ രാജ്യത്തുടനീളം പൊട്ടിത്തെറിച്ചു. പേജര്‍ ആക്രമണത്തിനു പിന്നില്‍ ഇസ്രേലി ചാരസംഘടനായ മൊസാദ് ആണെന്നാണ് പാശ്ചാത്യ മാദ്ധ്യമങ്ങള്‍ റിപ്പോര്‍ട്ടുചെയ്തത്.
രാജ്യത്തെ പല പ്രദേശങ്ങളിലും ഇലക്രേ്ടാണിക് ഉപകരണങ്ങള്‍ പൊട്ടിത്തെറിച്ച് ഒരാള്‍ കൊല്ലപ്പെടുകയും നൂറിലധികം പേര്‍ക്ക് പരിക്കേല്‍ക്കുകയും ചെയ്തതായി ലെബനന്‍ ആരോഗ്യ മന്ത്രാലയം അറിയിച്ചു. അതേസമയം, പടിഞ്ഞാറന്‍ ബെക്കാ താഴ്വരയിലുണ്ടായ സ്ഫോടനത്തില്‍ കുറഞ്ഞത് മൂന്ന് പേരെങ്കിലും കൊല്ലപ്പെട്ടതായി സര്‍ക്കാര്‍ നടത്തുന്ന ലെബനീസ് വാര്‍ത്താ ഏജന്‍സി (എന്‍എന്‍എ) അറിയിച്ചു.
പേജറുകള്‍ പൊട്ടിത്തെറിച്ച് മരിച്ചവരുടെ എണ്ണം 12 ആയി ഉയര്‍ന്നു. പരിക്കേറ്റവരുടെ എണ്ണം 2,750 നും 2,800 നും ഇടയിലാണെന്ന് അദ്ദേഹം പറഞ്ഞു. 1997~ല്‍ അമേരിക്കയും 2020~ല്‍ ജര്‍മ്മനിയും ഉള്‍പ്പെടെ നിരവധി രാജ്യങ്ങള്‍ ഹിസ്ബുള്ളയെ തീവ്രവാദ സംഘടനയായി പ്രഖ്യാപിച്ചു. യൂറോപ്യന്‍ യൂണിയന്‍ തങ്ങളുടെ സായുധ വിഭാഗത്തെ 2013 ല്‍ തീവ്രവാദ ഗ്രൂപ്പായി പ്രഖ്യാപിച്ചു.
Comments: